Во организација на Културно-информативниот центар на Р. Македонија, на 15-ти октомври во 18:00 часот, во просториите на КИЦ беше отворена изложбата на графики од современиот уметник Хајруш Исени.
Хајруш Исени е роден во Тетово 1970 год. Дипломирал на факултетот за ликовни уметности во Тетово, на одделот за графика во класата на професор Агим Салиу. Во текот на 2001 година ги завршил последипломските студии на Академијата за ликовни уметности во Приштина, во класата на професор
Фатмир Крипа. Од 1998 година работи како професор на Факултетот за ликовни уметности.
Со своето богато уметничко творештво Хајруш Исени има реализирано осум самостојни изложби во Р Македонија и странство (САД,Франција,Косово), учествувал со свои дела и на неколку групни изложби во странство (Луксембург, Косово, Бугарија).