Културно-Информативен Центар
на Р.Македонија во Софија
почетна
галерија

Работно време:
понеделник-петок
08:30-16:30 часот

Повелете,
посетете не!

Скопје 


 

 

Почитувани,                                          македонски / български

Добре дојдовте на веб локацијата на Културно-информативниот центар на Р. Македонија во Софија.
Овде ќе најдете информации за нашата работа, програмите од изминатите години, проектите што ги планираме во 2014 година, нашите иницијативи, заложби, секојдневно работење.

Повелете, посетете не!
Со почит,
Културно-информативен центар на Р.Македонија

М-р Васко Шутаров
Директор на Културно-информативен центар на Р.Македонија во Софија
тел/факс: 02 / 9461492

 

НАСТАНИ ...

-На 10 Јули Културно-информативниот Центар на Р. Македонија во Софија беше организатор и домаќин на два културни настани. Програмата започна со откривање на ретроспективната изложба посветена на 50 години од Меѓународната ликовна колонија во Струмица, на која низ 30 дела беше направен пресек на најзначајните дела на една од најстарите и најпознати ликовни колонии кај нас. Изложбата ја отворија директорот на нашиот Центар во Софија, Васко Шутаров и директорот на Центарот за култура "Антон Панов", Иван Јовев.

Ликовната колонија во Струмица своите почетоци ги има од август 1964 година, досега била домаќин на преку 1200 автори од сите светски меридијани а поседува богат ликовен фонд од преку 2.500 дела, меѓу кои и значајни дела од класиците на македонското ликовно творештво. За изложбата во Софија беа презентирани дела од Мартиноски, Перчинков, Кондовски, Пандилов, Наумовски, Темкова...

1   1
1   1

Во вториот дел од програмата настапи триото хармоники "АКОРДИОМ", кого го сочинуваат Зорица Каракутовска, Бојан Волчевски и Филип Стамевски. На својот прв концерт во македонскиот културен Центар во Софија, тие се претставија со програмата од Ј.С. Бах, А.Вивалди, В.А.Моцарт, Е.Илиевска-Бете, Е.Дербенко, А. Пјацола, Р.Галијано. Долги аплаузи и неколку биса за бравурозната интерпретација имаше за овој наш состав, посебно за Македонските парафрази од композиторката Елизабета Илиевска-Бете.

Триото во овој состав делува неколку години, а претходно членовите на составот биле дел од разни камерни состави. Проф. Зорица Каракутовска, Бојан Волчевски и Филип Стамевски имаат настапувано на концертни подиуми освен низ Македонија и во Србија, Бугарија, Хрватска, Франција, Португалија, Луксембург, Италија. Тие се чести гости на престижни европски музички фестивали и повеќекратни лауреати на "Акордеон Арт Фестивалот" во Италија.

1   1
1   1

И двата културни настани се дел од годишната програма на КИЦ на Р. Македонија во Софија, поддржана од нашето Министрерство за култура а на настанот присуствуваше Г-ѓа Ирина Кроткова од Секторот за меѓународна соработка од министерството.

-11 и 12 јуни, Фестивал за модерни танци

Гостувањето беше дел од програмата на Културно-информативниот центар на РМ во Софија, која е поддржана од Министерството за култура на РМ. Настанот се одржа во рамките на деветтата едициј на танцови концерти организирани од фондацијата "Етуд" во соработка со центарот за култура "Црвената куќа".

Целта на овие концерти е да се промовира и поддржува современиот танц. Како дел од програмата настапуваат и етаблирани кореографи од бугарската сцена, како Галина Борисова, која е воедно иницијатор и организатор на настанот.

1   1
1   1

Во двете балетски претстави во авторство и кореографија на Искра Шукарова играа Викторија Илиоска, Бистра Делиниколова, Елена Ристеска-прва генерација дипломирани студенти од класата на Искра Шукарова како професор на катедрата за балетска педагогија при ФМУ. Музиката и изведбата во двете дела беше во придружба на гитара на авторот Валентин Димановски.

-Со концертот за пијано и обоа во изведба на Кристина Светиева и Томе Атанасов, што се одржа на 6 Јуни во "Музејот на Борис Христов" нашата земја се вклучи во меѓународната програма на јубилејниот 10 Фестивал на уметностите, посветен на бугарскиот оперски пејач со светска слава, Борис Христов. На овој реномиран музички фестивал годинава настапија бројни бугарски музички уметници како и гости од Австралија, Германија, Шведска, Финска, Кипар и Грција.

На рециталот за пијано и обоа, нашите познати музички уметници се претставија со дела од: R.Schuman, J.B.Loeillet, F.Poulenc, C.Nielsen, J.W.Kalliwoda, како и со Сонатата за обоа и пијано од Стојан Стојков.

1   1
1   1

Кристина Светиева дипломира на Факултетот за музички уметности во Скопје во 2006 година, магистрира во 2008 година под менторство на познатата бугарска пијанистка и педагог Жени Захариева а во 2010 година ја завршува својата двегодишна специјализација на познатата музичка академија "Schola Cantorum" во Париз. Докторира во април 2014 година, а од 2012 година е доцент по пијано на Факултетот за музички уметности во Скопје. Светиева е носител на бројни домашни и меѓународни награди и признанија, меѓу кои и на натпревари во Италија, Бугарија и Чешка.

Томе Атанасов има остварено голем број на концерти и рецитали, како член на триото "Атанасов", како солист на обоа со камерниот оркестар "Скопски солисти" и камерниот оркестар "Симфонија" од Софија. Атанасов настапува како соло обоист на оркестарот "Kammerphilharmonie" од Келн, има бројни настапи низ целиот свет, Германија, Франција, Шпанија, Холандија, Белгија, Австралија, Кина, Ј.Кореја, настапува и во светски музички сали "Sidney Opera House", City Recital Hall Angel Place во Сиднеј, Австралија и "Palau de la Musica" во Валенсија, Шпанија.

Концертот на Кристина Светиева и Томе Атанасов во Софија е дел од Годишната програма на Македонскиот културен Центар во Софија и финансиски поддржан од нашето Министерство за култура.

-Скулпторот Атанас Атанасовски и сликарката Марина Лешкова, на 15 Мај (четврток) беа претставени на заедничка изложба која со почеток во 18,30 беше отворена во КИЦ на Р.Македонија во Софија. Изложбата е резултат на соработката со Музеј на современа уметност во Скопје и самостојните изложби на двајцата уметници во МСУ во 2012 година. Амбиенталниот концепт на скулпторот Атанасоски со наслов "Орнаменти" и "Приказната од изгубениот рај" од Марина Лешкова, се споени во една тематска целина и за прв пат во ваков спој беа изложени во КИЦ на Р.Македонија. Куратор на изложбата е Марика Бочварова Плавевска.

Атанас Атанасоски е роден во Прилеп во 1961 година. Дипломира на Факултетот за ликовни уметности во Скопје во 1987 година, а магистрира во 1995 во Будимпешта. Учесник е на бројни самостојни и групни изложби во Македонија, Бугарија, Унгарија, Словенија, Србија, Естонија, Велика Британија и со награди во Пиран (1995), Скопје (1998).

МАрина Лешкова дипломира на Факултет за ликовни уметности во Скопје во 1994, а истата година дипломира и на Историја на уметноста на Филозофски факултет во Скопје. Има остварено бројни самостојни и групни изложби и освојувани неколкукратни награди за свои дела-Скопје 1987, 1988, 1999г.

1   1
1   1

Изложбата ја отворија директорот на КИЦ на Р.Македонија Васко Шутаров и директорката на МСУ Елиза Шулевска. Изложбата се остварува во годината на одбележување на 50 години од основањето на Музеј на современа уметност и по тој повод на Македонскиот културен центар во Софија и на директорот му беше врачена Благодарница за досегашните десет остварени заеднички проекти. Проектот е комплетно поддржан од Министерството за култура на Р.Македонија.

1   1
1   1

-На 14 Мај 2014 година, по осми пат во Европа и по трет пат во Софија се одржа Европската Ноќ на литературата. Македонскиот културно-информативен Центар на Р.Македонија по втор пат учествуваше во овој европски проект. Европската Ноќ на литературата е заеднички проект на ЕУНИК-Европската асоцијација на културни институции, а во Р. Бугарија во овој проект покрај нашиот Центар, годинава активно беа вклучени Канцеларијата на ЕУ во Софија, Чешкиот Центар, Гете Институтот, Британскиот Совет, Полскиот Институт, Рускиот културно-информативен Центар, Португалскиот културен Институт и Амбасадата на Австрија во Софија. Освен во главниот град на Р.Бугарија, на 14 Мај од 18,00 до 21,00 поезија се читаше уште во 8 други поголеми градови во Бугарија.

Во Ноќта на литературата, поезија се чита на интересни, невообичаени места за презентација на поезија, т.н. "гнезда", а посетителите кои во текот на манифестацијата посетуваат најмногу такви пунктови, учествуваат во наградната игра, веднаш по завршување на манифестацијата.

1   1
1   1Македонската понуда за оваа голема европска културна манифестација годинава беше книгата "Раѓањето на зборот" од Ацо Шопов, што кон крајот на минатата година излезе во бугарско издание на книгоиздателството Авангард принт и во превод на Роман Кисјов. Со ова дело, КИЦ на Р. Македонија минатата година се вклучи во чествувањето на 90 години од раѓањето на македонскиот книжевен класик.

Стихови од Шопов на Европската Ноќ на литературата, во Галеријата Сезони, каде беше македонското претставување, читаше актерот Иван Калошев, во музичка придружба на Стефан Здравески (саксафон), Ива Христова (гитара), Емил Георгиев (гитара) а видео материјали за Ацо Шопов подготви Ана Батева.

Настанот покрај бројни медиуми од Р.Бугарија го проследија македонски медиуми присутни на настанот.

-На 7 Меѓународен филмски Фестивал за културно наследство што се одржа од 11-18 Мај, под покровителство на Меѓународната Фондација "Професор Детев" и бугарското Министерство за култура, годинава во натпреварувачката официјална програма беа застапени 4 филмови од Р.Македонија. На 12 Мај, во пладневната програма беа прикажани филмовите "Самовилската вода", "Џоломари" и "Ниту ќе продолжи, ни ништо" чиј комплетен автор на сценарио, камера и режија е Владимир Боцев и во продукција на Музеј на Македонија. Од продукцијата на Музеј на Македонија а во авторство на Ирена Колиштркоска-Настева на 17 Мај, беше прикажан документарниот филм "Артефакти од македонската археологија ".

1   1
1   1Фестивалската филмска програма и годинава се остваруваше во соработка со странски амбасади и културни центри во Софија, а освен Македонскиот Културно-информативен Центар, учесници на фестивалот беа Италијанскиот културен Институт, Унгарскиот културен институт, Полскиот Институт, како и Амбасадата на САД во Софија. Македонскиот дел од фестивалската програма го претставува директорот на КИЦ на Р.Македонија, Васко Шутаров.

 

-Седмата по ред книжевна визита на поети од Р.Македонија, остварена во соработка на ИД Макавеј и КИЦ на Р.Македонија во Софија и подржана од нашето Министерство за култура, свечено беше отворена на 8 Мај во Софија. На отворањето, директорот на Културно-информативниот Центар м-р Васко Шутаров и главниот уредник на ИД Макавеј м-р Владимир Цветковски ја нагласија благородната мисија на овие книжевни визити во правец на зближување на двете култури и литератури.

1   1
1   1

Во првиот дел од книжевната вечер, беше претставен книжевниот портрет на поетот Раде Силјан, за чие дело зборуваа поетите Бранко Цветкоски и Санде Стојчевски. Македонската книжевна вечер со свои творби ја збогатија и Веле Смилевски, Славе Ѓорго Димоски, Братислав Ташковски, Кочо Топузовски, Виолета Танчева-Златева, Трајче Кацаров, Диме Ратајкоски а свои творби читаа и Раде Силјан, Бранко Цветкоски и Санде Стојчевски. Стихови интерпретираше актерот Иван Калошев. Книжевната визита продолжи и на 9 Мај, кога во просториите на Македонскиот културен Центар свои творби читаа 15 бугарски поети. Истата вечер на поетот и преведувач Роман Кисјов му беше врачена наградата "Македонски книжевен Дедал".

1   1
1   1

-На 29 Април во КИЦ на Р. Македонија во Софија беше отворена првата самостојна изложба од акварели на нашиот познат уметник Илија Кавкалески-Кавкале. Во Софија, Кавкалески се претстави со 20 дела, кои предизвикаа внимание кај посетителите на нашиот Центар ов Софија. За делото и уметничкиот пат на Илија Кавкалески зборуваа директорите на Македонскиот културен Центар и Националната галерија на Македонија, Васко Шутаров и Маја Неделкоска-Брзанова, како и Љубчо Маленков, виш кустос. Проектот е целосно подржан од нашето Министерство за култура.

1   1
1   1

Илия Кавкалески е роден во Прилеп во 1932 г. Завршува Училиште за применета уметност во Скопје во 1953 година и дипломира на Факултетот за применети уметности воБелград во 1957 година. Во својата долга професионална кариера работи и како сликар-конзерватор на икони, а бил доцент на Факултетот за ликовни уметности во Скопје, во насоките по конзервација и реставрација.

Член е на Друштвото за ликовни уметници на Македонија, а во 2004 г. и член на Уметничкиот совет на Друштвото на ликовни уметници. Има реализирано многу самостојни изложби низ Македонија и Словенија и е носител на бројни ликовни награди за своето творештво.

1   1
1   1

-На 16 Април, во Културно-информативниот Центар на Р. Македонија во Софија во соработка со ИД "Макавеј" од Скопје, беше претставено големото литературно дело на академик Митко Маџунков. За неговиот книжевен опус зборуваа Бранко Цветкоски, проф. Венко Андоновски и Николај Шопов, писател и преведувач од Бугарија. Гостите и академик Маџунков пред публиката во Македонскиот културен Центар ги поздрави и претстави директорот Васко Шутаров. Проектот е целосно поддржан од нашето Министерство за култура.

Академик Маџунков е роден во Струмица, 1943 год, каде завршува основно и средно образование. Завршува Филолошки факултет во Белград, каде долги години живее и работи. Има објавено дваесетина збирки раскази, романи и драми и добитник е на десетина значајни домашни и странски литературни награди. Неговиот последно објавен роман "Птиците од ланските гнезда", беше прогласен за роман на годината во 2013 година и македонски кандидат за наградата "Балканика"

1   1
1   1

-На 7 Април во 18:30 часот, во галеријата на Културно-информативниот Центар на Р.Македонија во Софија, беше отворена изложбата на академскиот уметник-графичар, Ридван Алити. Тој се претстави со 20 дела, од неговите последни уметнички творечки циклуси, насловени "Виолини" и "Портрети". Алити има завршено Факултет за уметност- специјалност графика на Државниот Универзитет во Тетово а магистрирал на Универзитетот Св.Кирил и Методи, во класата на проф. Трајче Блажевски. Има учествувано на бројни групни изложби, меѓу кои и во Париз, Берлин, Брисел и Сараево и има остварено неколку самостојни изложби во нашата земја и во Австрија и Албанија. Добитник е на неколку награди за творештво во Албанија и Холандија а меѓу најзначајните негови награди е првата награда на "Шестото меѓународно биенале за мала графика"-Тетово, 2014 година.

1   1
1   1

Изложбата на графики на Ридван Алити во Софија ја отвори директорот на Центарот м-р ВаскоШутаров а проектот е поддржан од нашето Министерство за култура.

1   1

-На 3 и 4 Април, во организација на Асоцијацијата за уметност "Поетики", Колекцијата за поезија, фикција и есеј на Меѓународниот ПЕН "Разноликост" и Културно-информативниот Центар на Р. Македонија во Софија, беше реализирана дводневна македонска книжевна презентација со неколку содржини. Најнапред, на 3 Април во 16,30 часот се одржа тркалезна маса со македонски и бугарски автори од литературата, на која се разговарање за правците и тенденциите во двете литератури, во новиот век. Веднаш потоа, во 18,30 часот, исто така во просториите на нашиот Центар во Софија, академците Катица Ќулавкова и Влада Урошевиќ како и проф. Наташа Аврамовска ја претставија новата свездена македонска книжева генерација, Никола Маџиров, Владимир Мартиновски, Калина Малеска, Румена Бужаровска, Фросина Стојковска, Ненад Јолдески и Ѓоко Здравески. Книжевната вечер беше насловена "Почетокот на векот: новата македонска книжевност" и ја отвори директорот на Центарот, Васко Шутаров а текстови од авторите на бугарски јазик интерпретираше нашиот актер Иван Калошев.

1   1
1   1

На 4 Април, македонската книжевна делегација оствари неколку работни средби и посети на видни личности од литературниот живот на Бугарија, како и посета на Универзитетската библиотека на Софискиот Универзитет и Бугарската Академија на науките. Проектот е финансиски помогнат од Министерството за култура на Р.Македонија.

-На 27 март во Културно-информативниот Центар на Р.Македонија во Софија, се одржа промоција на оставината во 9 тома од Павел Шатев.

Претставувањето на оваа капитална едиција во Софија е остварена во партнерство со книгоиздателството "Македоника Литера" и Државниот Архив на Р.Македонија. Промотори на делата беа проф. др. Зоран Тодоровски, Предраг Димитровски, Нове Цветаноски и м-р Васко Шутаров.

1   1
1   1

-На 13 март 2014 г., пред бројна публика и љубители на ликовната уметност, беше отворена изложбата на позната ликовна уметница Касиопеја Наумоска во Софија. Културно-информативниот Центар на Р.Македонија беше организатор и домаќин на овој настан, на кој беа претставени 19 дела од циклусите "Раце и лица" и "Барајќи одговор". Изложбата ја отвори директорот на Македонскиот центар Васко Шутаров и истата ќе биде поставена во Софија до 7 април.

1   1
1   1

Ова беше прво самостојно претставување на Касиопеја Наумоска во Софија, која има реализирано 25 самостојни и преку 100 меѓународни и групни претставувања, а со оваа изложба ја обележува 20 годишнината од своето уметничко творење.

1   1
1   1

-На 28 февруари 2014 год. во 18,30 часот, во Културно-информативниот Центар на Р.Македонија во Софија свој концерт имаше Дуото Кларинети "Ѓоревски-Бакревски". Оваа ретка музичка формација на македонските подиуми е составена од нашите двајца познати кларинетисти Ристо Ѓоревски и Игор Бакревски и е плод на нивната долгогодишна соработка и во нивната матична куќа, Македонската опера и балет и преку соработката во други камерни формации и ансамбли. Музичкиот репертоар за два кларинети е вистинска реткост, а Ѓоревски и Бакревски токму во тоа пронаоѓаат провокација за музичко истражување.

На концертот во Софија, дуото се претстави со дела од Б.Крусел, Ф.Пуланж, Ж.Лефевр, Џ.Росини и Д.Имери, а на барање на публиката и со "Пелистерското оро" и "Пајдушкото оро".

1   1
1   1

-На 20 февруари 2014 год., во рамките на проектот "The Power of Difference" помогнат од ACES-Academy of Central Euripean Schools, Културно-информативниот центар на Р.Македонија беше домаќин на 50 учесници од Петта приватна гимназија (Скопје, Р.Македонија) и Меѓународната гимназија "Проф. Д-р В. Златарски" (Софија, Р.Бугарија).

Ова е возвратна посета на средношколците од Р.МАкедонија кои од 20-23 февруари ја остваруваат третата етапа од проектот "The Power of Difference".

1   1
1   1

-Македонскиот пијанист од светски глас Симон Трпчески, на 7 февруари настапи во концертната сала "Бугарија" во Софија, со изведба на Концертот за пијано и оркестар број 1 од П.И.Чајковски, како солист на Оркестарот на Бугарското национално радио, под диригентската палка на маестро Емил Табаков.

Својот прв настап во Софија, Симон Трпчески го реализира со бравурозна интерпретација и долги аплаузи во преполната сала Бугарија.

Концертот беше директно пренесуван од Бугарското национално радио и снимен од Бугарската национална телевизија.

1

 

Културно-Информативен
Центар на Р.Македонија
e-mail:rmkic@yahoo.com
тел/факс: 029461492
ул. Обориште 7
1504 Софија

Софијa